કાર્તિક આર્યનને આનંદ એલ રાયની ફિલ્મમાંથી હાંકી કાઢ્યો હોવાની ચર્ચા

- જોકે આનંદ એલ રાયની ટીમે આ વાતને રદિયો આપ્યો

મુંબઇ : કાર્તિક આર્યન ઇન્ડસ્ટ્રીનો ચમકતો સિતારો છે. જેની સાથે તેની સમકાલીન અભિનેત્રીઓ કામ કરવા તત્પર હોય છે. જોકે કાર્તિકને હાલમાં જ કરણ જોહર અને શાહરૂખ ખાન નિર્માણ કંપનીમાંની બે ફિલ્મોમાંથી હાંકી કાઢવામાં આવ્યો છે. હવે વાત આવી છે કે, તેને આનંદ એલ રાયની ફિલ્મમાંથી પણ દૂર કરવામાં આવ્યો છે. તેના સ્થાને આયુષ્માન ખુરાનાને લેવાની વાતચીત ચાવી રહી છે. 

જોકે આનંદ એલ રાયની ટીમે આ વાતને ખોટી  ગણાવી છે. તેમણે સત્તાવાર રીતે જણાવ્યું છે કે, આ પાયાવિહોણી વાત છે. અમે કાર્તિક આર્યન સાથે ફિલ્મ માટે સંપર્ક કર્યો છે અને તેના પર વાતચીત ચાલી રહી છે. તેમજ આયુષ્યમાન ખુરાના સાથે અન્ય એક ફિલ્મની વાતચીત ચાલુ છે. આ બન્ને વાતની ભેળસેળ કરવામાં આવી છે. 

ઉલ્લેખનીય છે કે, આનંદ એલ રાય  એક ગેન્ગસ્ટર આધારિત ફિલ્મ બનાવાની તૈયારી કરી રહ્યો છે. જોકે આ ફિલ્મનું શિર્ષક હજી નક્કી કરવામાં આવ્યું નથી. 

from Diwali special News - Gujarat Samachar : World's Leading Gujarati Newspaper https://ift.tt/3uDw13g
via IFTTT