નાર્કોટિક્સ કન્ટ્રોલ બ્યુરોએ અભિનેતા એજાજ ખાનની ધરપકડ કરી

મુંબઇ : વિવાદાસ્પદ અભિનેતા એજાજ ખાનની નશીલા પદાર્થના મામલામાં નાર્કોટિક્સ કન્ટ્રોલ બ્યુરો (એનસીબી) અધિકારીઓએ ધરપકડ કરી છે. અગાઉ પકડાયેલા આરોપી શાદાબ શેખ ઉર્ફે શાદાબ બટાટાએ પૂછપરછમાં એજાજના નામનો ઉલ્લેખ કર્યો હતો.

અંધેરીમાં એનસીબી દ્વારા એજાજના ઘરે છાપો મારવામાં આવ્યો હતો. તેમણે આ અભિનેતાની ધરપકડ કરી વધુ તપાસ આદરી છે. 

અગાઉ પણ ડ્રગ કેસમાં એજાજને પકડવામાં આવ્યો હતો. સોશિયલ મીડિયામાં વિવાદાસ્પદ પોસ્ટ કરવાના મામલામાં  પણ તેની સામે કાર્યવાહી કરાઇ હતી.

એનસીબીએ ડ્રગ સપ્લાયર ફારુખ શેખના પુત્ર શાદાબાની ગત અઠવાડિયે નશીલાપદાર્થ સાથે ધરપકડ કરી હતી. બોલીવુડના ડ્રગ કનેક્શનમાં તે સંડોવાયેલો હોવાનું કહેવાય છે. તેણે પૂછપરછ દરમિયાન એજાજનું નામ આપ્યું હતું.

from Diwali special News - Gujarat Samachar : World's Leading Gujarati Newspaper https://ift.tt/2QUPhuX
via IFTTT